மெக்சிகோ நாடு வட அமெரிக்காவில் அமைந்துள்ளது. இந்நாட்டில், நேற்று சூறாவளி புயல் ஒன்று தாக்கியுள்ளது. மேலும் அஹதா என்று இந்த சூறாவளி புயலுக்கு பெயரிடப்பட்டுள்ளது. இப்புயல் அந்த நாட்டின் தெற்கு பகுதியில் உள்ள அஹ்சகா என்ற மாகாணத்தை தாக்கி, பெரும் பாதிப்பை ஏற்படுத்தியுள்ளது.
இதையடுத்து கடுமையான சூறாவளி காற்றுடன் கனமழை கொட்டித் தீர்த்துள்ளது. மேலும் மாகாணத்தின் பல பகுதிகளில் உள்ள ஆறுகளில் கடுமையான வெள்ளப்பெருக்கு ஏற்பட்டது. இதனை தொடர்ந்து நிலச்சரிவும் ஏற்பட்டு, இதில் சிக்கி இதுவரை 10 பேர் உயிரிழந்துள்ளதாகவும், மேலும் 20 பேர் மாயமாகியுள்ளதகாவும் தெரிவிக்கின்றனர். இந்நிலையில் சூறாவளியால் பாதிக்கப்பட்ட இந்த பகுதிகளில் சிக்கியுள்ள மக்களை பேரிடர் மீட்புக் குழுவினர் இணைந்து மீட்கும் பணியில் ஈடுபடுத்தப்பட்டுள்ளனர்.