நடிகையாக இருந்து ஆளுமைமிக்க அரசியல்வாதியாக உயரும் ஒரு பெண்ணின் கதையை மையமாகக்கொண்டு எடுக்கப்பட்ட வெப் தொடர் தான் “குயின்” ஆகும். இயக்குனர் கவுதம்மேனன், பிரசாந்த் முருகேசனுடன் இணைந்து இயக்கிய இந்த தொடரின் முதல் பாகம் ரசிகர் மத்தியில் பெரும் வரவேற்பை பெற்றது.
அதுமட்டுமல்லாமல் ரேஷ்மா கட்டலா, கவுதம் மேனனுடன் இணைந்து இயக்கும் “குயின்” 2ஆம் பாகம் கொரோனா தொற்றின் காரணமாக தள்ளி வைக்கப்பட்டது. இதன் படபிடிப்பு துவங்கிவிட்டதாக தகவல் வெளியாகியது.
இந்த நிலையில் இதனை உறுதிப்படுத்தும் வகையில் ரம்யா கிருஷ்ணன் படப்பிடிப்பு தளத்திலுள்ள புகைப்படம் ஒன்றை இணையத்தில் வெளியிட்டு “ஆம்,ஆம்,ஆம்” என்ற மறைமுக கேப்ஷனையும் பதிவிட்டுள்ளார். இந்த புகைப்படமானது ரசிகர்களால் இணையத்தில் அதிகமாக பகிரப்பட்டு வருகிறது.
