மாஸ்டர் படத்தின் வெற்றியை தொடர்ந்து தற்போது கமல்ஹாசன் நடிப்பில் விக்ரம் திரைப்படத்தை இயக்குனர் லோகேஷ் கனகராஜ் இயக்கி முடித்திருக்கிறார். இந்த படத்தின் ரிலீஸுக்காக வெறித்தனமாக ரசிகர்கள் காத்திருக்கின்றனர். இந்தநிலையில் இந்த படம் பற்றி நடிகரும் சேப்பாக்கம் தொகுதியில் எம்எல்ஏவுமான உதயநிதி ஸ்டாலின் தனது ட்விட்டர் பக்கத்தில் பகிர்ந்துள்ள பதிவு இணையதளத்தில் வைரலாக பரவி வருகிறது.
கடந்த 1986ஆம் வருடம் அம்பிகா சத்யராஜ் நடித்து வெளிவந்த படம் விக்ரம். ராக்கெட் ஏவுதளத்தில் இருந்து கடத்தப்பட்ட ராக்கெட்டை கண்டுபிடித்து மீட்பது தான் இந்த படத்தின் கதையாகும். மிகப்பெரிய பிளாக் பஸ்டர் படமான இந்தப் படத்தை ராஜசேகர் இயக்கியிருந்தார். ஆனால் தற்போது 34 வருடங்களுக்கு பிறகு அதே டைட்டிலில் கமலை வைத்து விக்ரம் படத்தை இயக்கியிருக்கிறார். மாநகரம், கைதி திரைப்படங்களின் மூலமாக தமிழ் சினிமாவில் முன்னணி இயக்குனர்கள் பட்டியலில் இடம் பிடித்திருக்கிறார் லோகேஷ் கனகராஜ்.
கமலின் தீவிர ரசிகரான இவர் தற்போது கமல் நடிப்பில் விக்ரம் திரைப்படத்தை இயக்கி இருக்கின்றார். இந்த படத்தில் கெஸ்ட் ரோலில் நடித்து இருக்கின்றார். மேலும் நான்கு வருடங்களுக்குப் பின் வெளியாகும் கமல் படம் என்பதால் ரசிகர்கள் மிகப் பெரிய எதிர்பார்ப்பில் இருந்து வருகின்றனர். இந்த நிலையில் விக்ரம் படத்தை வாங்கி வெளியிடும் விநியோகஸ்தரான உதயநிதி ஸ்டாலின் தனது ட்விட்டர் பக்கத்தில் விக்ரம் படம் சூப்பராக இருக்கின்றது. இந்த அனுபவத்தைக் கொடுத்த கமல் சார், லோகேஷ் கனகராஜ், விஜய் சேதுபதி, பகத் பாசில், அனிருத் போன்றோருக்கு நன்றி. மேலும் இந்த படம் பிளாக்பஸ்டர் ஆவது உறுதி என்று பதிவிட்டு இருக்கிறார்.
உதயநிதி ஸ்டாலின் இந்த பதிவை தொடர்ந்து கமல் தனது ட்விட்டர் பக்கத்தில் அன்புத்தம்பி உங்களின் முதல் விமர்சனத்திற்கு நன்றி. நீங்கள் உங்களை ஒரு ரசிகராக அறிவித்துக் கொண்டீர்கள். உங்களின் வாழ்த்து என் தம்பிகளை உற்சாகப்படுத்தும் என பதிவிட்டிருக்கிறார். இவர்களின் பதிவுகளை தொடர்ந்து விக்ரம் படம் குறித்தான ரசிகர்களின் எதிர்பார்ப்பு மிகப்பெரிய அளவில் இருந்து வருகின்றது.