இயக்குனர் லோகேஷ் கனகராஜ் இயக்கத்தில் கமல்ஹாசன் நடிப்பில் உருவாகியுள்ள விக்ரம் திரைப்படம் இன்று திரையரங்குகளில் வெளியாகியுள்ளது. இந்த திரைப்படத்தில் கமல்ஹாசன், விஜய் சேதுபதி உள்ளிட்டோர் முக்கிய வேடங்களில் நடித்துள்ளனர். இந்தத் திரைப்படம் இன்று திரையரங்குகளில் வெளியாகி மக்களின் மத்தியில் நல்ல வரவேற்ப்பை பெற்றுள்ளது. இதையடுத்து ரசிகர்கள் டுவிட்டரில் தங்கள் கருத்துக்களை பதிவிட்டு வருகின்றனர். இந்நிலையில் டெலிகிராம் மற்றும் இணையத்தில் விக்ரம் திரைப்படம் வெளியானதால் படக்குழு அதிர்ச்சி அடைந்துள்ளது. ஒரு பெரிய படம் வெளியான நாளில் ஆன்லைனில் கசிவது இது முதல் முறையல்ல.
இதற்கு முன்னதாக பல்வேறு படங்கள் ஆன்லைனில் கசிந்துள்ளன. இருந்தாலும் கமல்ஹாசன் மூன்று வருட நீண்ட இடைவெளிக்குப் பின்னர் பெரிய திரையில் வருகின்றார். அதனால் அவரது செயலை காண மீண்டும் ரசிகர்கள் திரையரங்குகளில் குவிந்துள்ளனர். இந்நிலையில் படம் ஆன்லைனில் வெளியாகி இருப்பது படக்குழுவினர் மத்தியில் பெரும் அதிர்ச்சியை ஏற்படுத்தியுள்ளது. இதையடுத்து பைரசி இணையதளங்களில் படம் வெளியாவதை தடுக்க வேண்டும் என்று இயக்குனர் லோகேஷ் புகார் கொடுத்துள்ளதாக தகவல் வெளியாகியுள்ளது.