வைகாசி விசாக திருவிழாவை முன்னிட்டு நெல்லை மற்றும் திருச்செந்தூர் இடையே வருகிற 12-ஆம் தேதி முதல் முன்பதிவில்லா எக்ஸ்பிரஸ் கட்டண சிறப்பு ரயில் இயக்கப்படும் என தெற்கு ரயில்வே அறிவித்துள்ளது. அதன்படி இந்த ரயில் காலை 11.15 மணிக்கு நெல்லையில் இருந்து புறப்பட்டு மதியம் 12.45 மணிக்கு திருச்செந்தூர் சென்று அடையும். அதன்பிறகு மறுமார்க்கத்தில் திருச்செந்தூரிலிருந்து ரயில் (06704) இரவு 8.30 மணிக்கு புறப்பட்டு இரவு 10.10 மணிக்கு நெல்லை ரயில் நிலையம் சென்றடையும்.
அதுமட்டுமல்லாமல் இந்த ரயில்கள் இரு மார்க்கத்திலும் பாளையங்கோட்டை, ஸ்ரீவைகுண்டம், செய்துங்கநல்லூர், நாசரேத்,ஆறுமுகநேரி ஆகிய ரயில் நிலையங்களில் பயணிகளுக்காக நின்று செல்லும். இதனைப் போலவே திருச்செந்தூரில் இருந்து மதுரை வழியாக பாலக்காடு செல்லக்கூடிய எக்ஸ்பிரஸ் கட்டண பாசஞ்சர் ரயில் மற்றும் திருச்செந்தூர்-நெல்லை சிறப்பு எக்ஸ்பிரஸ் கட்டண பாசஞ்சர் ரயில் ஆகியவற்றில் வருகின்ற எட்டாம் தேதி முதல் 13-ஆம் தேதி வரை ஒரு பொது பெட்டி கூடுதலாக இணைக்கப்படும் என தெற்கு ரயில்வே தெரிவித்துள்ளது. இது அறிவிப்பு ரயில் பயணிகள் மத்தியில் மகிழ்ச்சியை ஏற்படுத்தியுள்ளது.