கோவை மாவட்டத்தில் உள்ள நவ இந்தியா என்ற பகுதியில் உள்ள தனியார் கல்லூரி வளாகத்தில், சர்வதேச நாய்கள் மற்றும் பூனைகள் கண்காட்சியானது நடைபெற்றது. இதில் நாய்கள் மற்றும் பூனைகளின் உரிமையாளர்கள், கலந்து கொண்டு தங்கள் செல்லப்பிராணிகளை, அந்த இடத்திற்கு அழைத்து வந்திருந்தனர்.
மேலும் இந்த கண்காட்சியில் ராட்வெய்லர், பெல்ஜியம் ஷெப்பர்ட், கிரேட் டேன், ராஜபாளையம், கொம்பை, சிப்பிப்பாறை உள்ளிட்ட பல்வேறு வகையான நாய்கள் கலந்து கொண்டன. இதையடுத்து காவல்துறையின் நாய்ப்படையில் உள்ள மோப்ப நாய்கள் மற்றும் வீட்டில் வளர்க்கப்படும் செல்லப் பிராணிகளும், இக்கண்காட்சியில் பங்கேற்க அனுமதி அளிக்கப்பட்டது.
மேலும் இதனை போல், பூனை கண்காட்சியிலும் பெர்சியன், பெங்கால், ஹிமாலயன், தேசி, சியாமிஸ், மீன் கூன் பூனைகள் உள்ளிட்ட ஏராளமான பூனை வகைகள் இதில் பங்கேற்றன. இந்த கண்காட்சியில், ஆயிரக்கணக்கான பார்வையாளர்கள் கலந்து கொண்டு நாய்கள் மற்றும் பூனைகளை கண்டு ரசித்தனர்.