படப்பிடிப்பின் போது தமன்னாவுக்கும் இயக்குனருக்கும் வாக்குவாதம் ஏற்பட்டதாக தகவல் வெளியாகியுள்ளது.
தமிழ், தெலுங்கு என இரண்டிலும் முன்னணி நடிகையாக வலம் வருகின்றார் தமன்னா. இவர் தற்பொழுது இந்தித் திரைப்படங்களிலும் நடித்து வருகின்றார். இவர் நடிப்பில் அனில்ரவிபுடி இயக்கத்தில் தெலுங்கில் அண்மையில் எப் 3 திரைப்படம் ரிலீஸானது. இத்திரைப்படத்தில் வெங்கடேசன், வருண் தேஜ், மெஹ்ரீன் ஆகிய பலர் நடித்திருந்தார்கள். இந்நிலையில் படத்தின் படப்பிடிப்பின்போது தமன்னாவுக்கும் இயக்குனருக்கும் இடையே வாக்குவாதம் ஏற்பட்டதாக தற்பொழுது செய்தி வெளியாகி இருக்கின்றது.
இதுகுறித்து இயக்குனர் பேட்டி அளித்தபோது கூறியதாவது, “தமன்னாவுக்கும் எனக்கும் படப்பிடிப்பின்போது வாக்குவாதம் ஏற்பட்டது. படத்தை அவசரமாக முடிக்க வேண்டும் என்ற மனநிலையில் இருந்தேன். தமன்னாவுக்கும் மறுநாள் வேறு இடத்தில் மற்றொரு படப்பிடிப்பு இருந்ததால் அவர் அவசரமாக செல்ல நினைத்தார். ஆனால் எங்கள் திரைப்படத்தில் அவர் நடிக்க வேண்டிய காட்சி இருந்தது. அதை முடித்துக் கொடுக்க சொன்னதால் இருவருக்கும் இடையே வாக்குவாதம் ஏற்பட்டது. பின் அது தகராறில் முடிந்தது’ என கூறியுள்ளார்.