சென்னை மாநகராட்சி பொதுமக்களின் குறைகளை தீர்வு காண, 1913 என்ற தொலைபேசி எண்ணை பயன்படுத்தி வருகிறது. இந்த எண்ணில் அளிக்கப்படும் புகார்களுக்கு உடனடி தீர்வு ஏற்படுத்தப்படுகிறது. அதைத் தொடர்ந்து, நம்ம சென்னை மொபைல் செயலியை அறிமுகப்படுத்தியது.
நம்ம சென்னை செயலியில் விரைவில் கூடுதல் வசதிகள் அறிமுகப்படுத்தப்பட உள்ளன. இந்த செயலி வாயிலாக பொது மக்கள் தங்கள் குறைகளை புகைப்படமாகவோ, வீடியோவாக எடுத்து அனுப்பலாம். இதுவரை 10 லட்சம் புகார்கள் பெறப்பட்டு தீர்வு காணப்பட்டுள்ளது. இந்நிலையில் தொழில் வரி செலுத்துதல், வர்த்தக உரிமம் புதுப்பித்தல், பிறப்புச் சான்றிதழில் குழந்தைகள் பெயர் சேர்த்தல், நிகல் நிலையில் கட்டட திட்ட விண்ணப்பத்தின் நிலை அறிதல் போன்ற வசதிகள் இணைக்கப்பட உள்ளது.