ரயில்வே தேர்வு எழுதுபவர்களின் வசதிக்காக….. தெற்கு ரயில்வே வெளியிட்ட சூப்பர் அறிவிப்பு….!!!!

சிறப்பு ரயில்கள் இயக்கப்படுவதாக தெற்கு ரயில்வே அறிவித்துள்ளது.

இந்திய ரயில்வே வாரியத்தின் 2-ம் கட்ட தேர்வுகள் ஜூன் 15, 16 மற்றும் 17-ம் தேதிகளில் நடைபெற இருக்கிறது. இந்த தேர்வு எழுதுபவர்களின் வசதிக்காக தென் மாவட்டங்களில் இருந்து சிறப்பு ரயில்கள் இயக்கப்படுவதாக தெற்கு ரயில்வே நிர்வாகம் அறிவித்துள்ளது. அதன்படி திருநெல்வேலி-பெங்களூர் இடையே இயக்கப்படுகிறது. இந்த ரயில் ஜூன் 13-ஆம் தேதி அன்று திருநெல்வேலியில் இருந்து இரவு 11 மணிக்கு புறப்படும். இந்த ரயில் மறுநாள் காலை பெங்களூருவுக்கு 12.30 மணி அளவில் சென்று சேரும்.

அதன்பின் ஜூன் 17-ம் தேதி மாலை 6.30 மணிக்கு பெங்களூருவில் இருந்து புறப்படும் ரயில் மறுநாள் காலை 10.00 மணி அளவில் திருநெல்வேலியை வந்தடையும். இதனையடுத்து தூத்துக்குடியில் இருந்து குருனூலுக்கு ஜூன் 13-ஆம் தேதி மதியம் 12 மணியளவில் சிறப்பு ரயில் புறப்பட்டு மறுநாள் காலை 10:15 மணிக்கு சென்றடையும். அதன்பிறகு குர்னூலிருந்து ஜூன் 17-ஆம் தேதி‌ இரவு 7.30 மணி அளவில் புறப்பட்டு மதியம் 2 மணிக்கு தூத்துக்குடியை வந்தடையும்.