மக்கள் குறைதீர்க்கும் நாள் கூட்டம்…. மாற்றுத் திறனாளிகளுக்கு சக்கர நாற்காலிகள்…!!!!!!!

திருவள்ளூரில் உள்ள மாவட்ட கலெக்டர் அலுவலக கூட்ட அரங்கில் நேற்று மாவட்ட கலெக்டர் ஆல்பி ஜான் வர்கீஸ் தலைமையில் பொதுமக்கள் குறைதீர்க்கும் நாள் கூட்டம் நடைபெற்றுள்ளது. இந்த கூட்டத்தில் மாவட்டத்தின் பல்வேறு பகுதியில் இருந்து வந்திருந்த திரளான பொதுமக்கள் வீட்டுமனைப்பட்டா, வேலைவாய்ப்பு, பசுமை வீடு மற்றும் அடிப்படை வசதிகள் என்பது போன்ற பல்வேறு கோரிக்கைகளை வலியுறுத்தி 232 மனுக்களை அளித்துள்ளனர். அந்த மனுக்களை பெற்றுக்கொண்ட கலெக்டர் அதன் மீது உரிய நடவடிக்கை எடுப்பதாக கூறியுள்ளார்.

அதனைத் தொடர்ந்து மாற்றுத்திறனாளிகளுக்கான சிறப்பு குறை தீர்க்கும் நாள் கூட்டத்தில் கலந்து கொண்ட கலெக்டர் மாற்றுத்திறனாளிகளிடம்  குறைகளை கேட்டறிந்து கொண்டார். அதன் பின் கலெக்டர் முதுகு தண்டுவடத்தில் பாதிக்கப்பட்ட மூன்று மாற்றுத்திறனாளிகளுக்கு தலா 1லட்சத்து 5,000  வீதம் ரூபாய் 3 லட்சத்து 15 ஆயிரம் மதிப்பிலான மின்கல நாள் இயங்கும் சிறப்பு சக்கர நாற்காலியை வழங்கியுள்ளார். இந்த கூட்டத்தில் மாவட்ட கலெக்டரின் நேர்முக உதவியாளர் வித்யா, மாவட்ட மாற்றுத்திறனாளிகள் நல அலுவலர் பாபு அலுவலர் மற்றும் பல்வேறு துறையை சேர்ந்த அரசு அலுவலர்கள் பலர் கலந்து கொண்டுள்ளனர்.