கரடி சுற்றுலா பயணிகளின் வாகனத்தை வழிமறித்த சம்பவம் பரபரப்பை ஏற்படுத்தியுள்ளது.
நீலகிரி மாவட்டத்தில் உள்ள மசினகுடி, முதுமலை உள்ளிட்ட பகுதிகளுக்கு தினமும் ஏராளமான சுற்றுலா பயணிகள் வந்து செல்கின்றனர். நேற்று முன்தினம் மாயா செல்லும் சாலையில் சுற்றுலா பயணிகள் வாகனங்களில் சென்று கொண்டிருந்தனர். அப்போது திடீரென வனப்பகுதியில் இருந்து வந்த கரடி சுற்றுலா பயணிகளின் வாகனத்தை வழிமறித்தது.
இதனை அடுத்து சாலையோரம் இருக்கும் மரத்தை பிடித்தபடி கரடி நின்று கொண்டிருந்ததால் சுற்றுலாப்பயணிகள் மிகவும் அச்சம் அடைந்தனர். இதற்கிடையில் கரடியின் குறும்புத்தனத்தை சிலர் செல்போனில் வீடியோ எடுத்து சமூக வலைத்தளத்தில் வெளியிட்டனர். கரடி சுற்றுலா பயணிகளை அச்சுறுத்திய சம்பவம் சிறிது நேரம் பரபரப்பை ஏற்படுத்தியுள்ளது.