சத்தீஸ்கர் மாநிலத்தில் ஆழ்துளை கிணற்றில் விழுந்த 10 வயது சிறுவன் 100 மணி நேர போராட்டத்திற்கு பிறகு உயிருடன் மீட்கப்பட்டுள்ளார். பிஹ்ரிட் என்ற கிராமத்தை சேர்ந்த 10 வயது சிறுவன் ராகுல் கடந்த 10ஆம் தேதி வீட்டின் அருகே இருந்த பயனற்ற ஆழ்துளை கிணற்றில் தவறி விழுந்தான். சுமார் 60 அடி ஆழத்தில் சிக்கிக்கொண்ட சிறுவனை மீட்கும் பணியில் ராணுவம் மற்றும் தேசிய பேரிடர் மீட்பு படையினர் ஈடுபட்டு வந்தனர்.
ஆழ்துளை கிணற்றின் அருகே மிகப்பெரிய சுரங்கம் ஒன்று தோண்டப்பட்டு அதன் வழியாக குழந்தை மீட்கப்பட்டுள்ளது. கிட்டத்தட்ட 100 மணி நேர போராட்டத்திற்கு பிறகு நேற்று நள்ளிரவு சிறுவன் உயிருடன் பத்திரமாக மீட்கப்பட்டார். பின்னர் சிறுவனுக்கு முதலுதவி சிகிச்சை அளித்து மருத்துவமனைக்கு அனுப்பி வைத்தனர். சிறுவன் இப்போது நலமுடன் இருக்கிறார். மீட்பு பணியில் ஈடுபட்ட குழுவினருக்கு வாழ்த்துக்கள் குவிந்து வருகின்றன.