தந்தையை கொலை செய்த வாலிபரை காவல்துறையினர் கைது செய்துள்ளனர்.
சேலம் மாவட்டத்தில் உள்ள செல்லபிள்ளைகுட்டை பகுதியில் மாரியப்பன் என்பவர் வசித்து வந்துள்ளார். இவருக்கு கிருஷ்ணகுமார் என்ற மகன் உள்ளார். இந்நிலையில் மாரியப்பன் தினமும் மது குடித்து விட்டு தனது குடும்பத்தினரிடம் தகராறு செய்து வந்துள்ளார். அதேபோல் நேற்று முன்தினமும் இரவு மாரியப்பன் மது குடித்துவிட்டு கிருஷ்ணகுமாரிடம் தகராறு செய்துள்ளார். இதனால் ஆத்திரம் அடைந்த கிருஷ்ணகுமார் செங்கல்லை கொண்டு மாரியப்பனை சரமாரியாக தாக்கியுள்ளார். இதில் படுகாயம் அடைந்த மாரியப்பன் சம்பவ இடத்திலேயே பரிதாபமாக உயிரிழந்து விட்டார்.
இதனை பார்த்து அதிர்ச்சி அடைந்த பொதுமக்கள் உடனடியாக காவல் துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் மாரியப்பனின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் கிருஷ்ணகுமாரை கைது செய்து தீவிர விசாரணை மேற்கொண்டு வருகின்றனர்.