லாரி ஓட்டுநர் வீட்டில் தங்க நகையை திருடி சென்ற மர்ம நபரை காவல்துறையினர் தீவிரமாக தேடி வருகின்றனர்.
திருச்சி மாவட்டத்தில் உள்ள சிங்களாந்தபுரம் பகுதியில் லாரி ஓட்டுநரான குணசேகரன் என்பவர் வசித்து வருகிறார். இவருக்கு ராசாத்தி என்ற மனைவி உள்ளார். இந்நிலையில் ராசாத்தி நேற்று தனது வீட்டை பூட்டி விட்டு கூலி வேலைக்கு சென்று விட்டார். இதனையடுத்து திரும்பி வந்து பார்த்தபோது வீட்டின் கதவு உடைக்கப்பட்டு இருப்பதை கண்டு ராசாத்தி அதிர்ச்சி அடைந்தார்.
மேலும் உள்ளே சென்று பார்த்தபோது லாக்கரில் வைக்கப்பட்டிருந்த 1 1/2 பவுன் தங்க நகை மற்றும் 15 ஆயிரம் ரூபாய் பணத்தை மர்ம நபர்கள் திருடி சென்றது தெரியவந்துள்ளது. இதுகுறித்து ராசாத்தி உடனடியாக காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் நகையை திருடி சென்ற மர்ம நபர்கள் குறித்து தீவிர விசாரணை மேற்கொண்டு வருகின்றனர்