சிறுமிகளுக்கு பாலியல் தொந்தரவு அளித்த முதியவரை காவல்துறையினர் போக்சோ சட்டத்தில் கைது செய்தனர்.
சேலம் மாவட்டத்திலுள்ள ஓமலூர் ஆசிரியர் நகர் பகுதியில் செல்வராஜ்(65) என்பவர் வசித்து வருகிறார். இவர் வணிக வளாக உரிமையாளர் ஆவார். இந்நிலையில் செல்வராஜ் அதே பகுதியில் வசிக்கும் 6 மற்றும் 15 வயது சிறுமிகளுக்கு பாலியல் தொந்தரவு அளித்துள்ளார். இதுகுறித்து பாதிக்கப்பட்ட சிறுமிகள் பெற்றோரிடம் தெரிவித்து கதறி அழுதனர்.
இதனை கேட்டு அதிர்ச்சியடைந்த சிறுமிகளின் பெற்றோர் ஓமலூர் அனைத்து மகளிர் காவல் நிலையத்தில் புகார் அளித்துள்ளனர். அந்த புகாரின் பேரில் போக்சோ சட்டத்தின்கீழ் வழக்குப்பதிவு செய்த காவல்துறையினர் செல்வராஜை கைது செய்து விசாரணை மேற்கொண்டு வருகின்றனர்.