பிரபல நடிகர் தன்னுடைய புதிய படத்தின் இசையமைப்பில் கலந்துகொண்ட புகைப்படங்கள் வைரலாகி வருகிறது.
தமிழ் சினிமாவில் பிரபல நடிகராக சிவகார்த்திகேயன் வலம் வருகிறார். இவர் நடித்த டான் திரைப்படம் சமீபத்தில் வெளியாகி ரசிகர்கள் மத்தியில் நல்ல வரவேற்ப்பை பெற்றது. இந்தப் படத்திற்குப் பிறகு தெலுங்கு இயக்குனர் அனுதீப் இயக்கத்தில் நடிகர் சிவகார்த்திகேயன் பிரன்ஸ் படத்தில் நடித்து வருகிறார். இந்த படத்தில் சிவகார்த்திகேயனுக்கு ஜோடியாக உக்ரைன் நாட்டை சேர்ந்த ரியாபோஷிப்கா நடிக்கிறார். இப்படத்திற்கு தமன் இசையமைக்கிறார்.
இந்நிலையில் தமிழ் மற்றும் தெலுங்கு என இருமொழிகளில் உருவாகும் பிரின்ஸ் படத்தை சாந்தி டாக்கிஸ், சுரேஷ் புரொடக்ஷன்ஸ், ஸ்ரீ வெங்கடேஸ்வரா சினிமாஸ் ஆகிய நிறுவனங்கள் இணைந்து தயாரிக்கின்றனர். இதனையடுத்து படத்திற்கு இசை அமைக்கும் பணிகள் தீவிரமாக நடைபெற்று வரும் நிலையில், தமனுடன் நடிகர் சிவகார்த்திகேயன் மற்றும் இயக்குனர் அனுதீப் கம்போசிங்கில் கலந்து கொண்டுள்ளனர். இந்த புகைப்படங்கள் தற்போது இணையதளத்தில் வைரலாகி வருகிறது.