சென்னை மாநகரில் போதைப்பொருள் பறிமுதல் 50 சதவீதம் உயர்ந்துள்ளதாக பெருநகர காவல்துறை ஆணையர் சங்கர் ஜிவால் தெரிவித்துள்ளார். இது குறித்து பேசிய அவர், சென்னையில் பள்ளிகளுக்கு அருகே உள்ள கடைகளில் சிகரெட் போன்ற புகையிலை பொருட்களை விற்பனை செய்தால் அந்த கடைகளுக்கு சீல் வைக்கப்படும் என எச்சரிக்கை விடுத்துள்ளார். மேலும் மாணவர்கள் போதை பொருட்களுக்கு அடிமையாகி வருகிறார்கள். பள்ளி கல்லூரிகளில் போதை மறுவாழ்வு மையங்கள் ஏற்படுத்த திட்டமிட்டுள்ளோம்.
கஞ்சா மட்டுமின்றி குட்கா பயன்பாடுகளையும் தடுக்க நடவடிக்கை எடுக்கப்பட்டு வருகிறது. போதைப்பொருள் ஒழிப்பதில் காவல் துறை பல்வேறு நடவடிக்கைகளை எடுத்து வருகிறது. போதைப்பொருள் பழக்கத்தை முற்றிலும் தடுக்கும் விதமாக பொதுமக்கள், பள்ளி கல்லூரி மாணவர்களிடம் விழிப்புணர்வு ஏற்படுத்த படுகிறது என்று தெரிவித்துள்ளார்.