பாகிஸ்தான் நாட்டில் கொரோனாவால் பாதிக்கப்படுவோர் எண்ணிக்கையானது தொடர்ந்து 2-வது நாளாக 400-ஐ தாண்டியது. சென்ற 24 மணிநேரத்தில் புதியதாக 435 பேருக்கு கொரோனா தொற்று உறுதிசெய்யப்பட்டுள்ளது. இதனிடையில் 2 பேர் உயிரிழந்துள்ள சூழ்நிலையில், 94 பேருக்கு தீவிர சிகிச்சையளிக்கப்பட்டு வருகிறது. இந்த நிலையில் பாகிஸ்தான் உள்நாட்டு விமானங்களில் பயணிப்போருக்கு முகக்கவசம் கட்டாயமாக்கப்பட்டு இருப்பதாக அந்நாட்டு விமான போக்குவரத்து ஆணையம் தெரிவித்து உள்ளது.
கொரோனா தடுப்பு வழிகாட்டு நெறிமுறைகள் மீண்டுமாக நடைமுறைபடுத்தப்பட்டு இருப்பதாகவும் கூறப்பட்டுள்ளது. இதையடுத்து கொரோனா வைரஸ் ஒரு ரோலர் கோஸ்டர் போல் செயல்படுவதாக, பாகிஸ்தான் சுகாதார அறிவியல் பல்கலைக்கழக துணை வேந்தர் டாக்டர் ஜாவேத் அக்ரம் தெரிவித்துள்ளார். இதன் காரணமாக கட்டுப்பாடுகள் மீண்டும் நடைமுறைபடுத்த வேண்டும் எனவும் அவர் வலியுறுத்தினார். கொரோனா வைரஸ் தொடர்ந்து மாற்றம் அடைந்து வருவதால், தடுப்பூசிகள் தற்போது செயல்திறனை இழந்துவிட்டதாகவும் அவர் குறிப்பிட்டுள்ளார்.