சூர்யாவின் பிறந்தநாள் அன்று மிகப்பெரிய அப்டேட் வெளியாகும் என சூர்யாவின் ரசிகர்கள் காத்துக் கொண்டிருக்கின்றார்கள்.
தமிழ் சினிமா உலகில் முன்னணி நடிகராக வலம் வருகின்றார் சூர்யா. சில வருடங்களாகவே தோல்வியை சந்தித்து வந்த சூர்யா சூரரை போற்று திரைப்படத்தின் மூலம் வெற்றி பாதைக்கு திரும்பினார். இதை அடுத்து அவர் நடிப்பில் வெளிவந்த ஜெய் பீம், எதற்கும் துணிந்தவன் உள்ளிட்ட திரைப்படங்கள் ரசிகர்களுடைய நல்ல வரவேற்பை பெற்றது. மேலும் அண்மையில் வெளியான கமலின் விக்ரம் திரைப்படத்தில் கெஸ்ட் ரோலில் ரோலக்ஸ் என்ற கதாபாத்திரத்தில் சூர்யா நடித்திருந்தார்.
இந்த நிலையில் பாலா இயக்கும் புதிய திரைப்படத்தில் சூர்யா நடிக்கின்றதையடுத்து படத்தின் அடுத்த கட்ட படபிடிப்பானது தொடங்கியுள்ளது. சூர்யா வெற்றிமாறன் இயக்கத்தில் வாடிவாசல் திரைப்படத்திலும் நடித்து வருகின்றார். இந்த நிலையில் வருகின்ற ஜூலை 23-ஆம் தேதி சூர்யாவின் பிறந்தநாள் ஆகும். இதனால் அன்று மிகப்பெரிய அப்டேட் வரும் என சூர்யா ரசிகர்கள் ஆவலுடன் காத்துக் கொண்டிருக்கின்றார்கள். ரவிக்குமார் இயக்கத்தில் சூர்யா நடிக்க உள்ளதாக சில மாதங்களாகவே தகவல் பரவி வந்த நிலையில் இது குறித்து அதிகாரபூர்வமான அறிவிப்பை படக்குழு சூர்யாவின் பிறந்தநாள் அன்று வெளியிடும் என கூறப்பட்டு வருகின்றது.