கன மழையின் காரணமாக ரயில்கள் ரத்து செய்யப்படுவதாக அறிவிப்பு வெளியாகியுள்ளது.
வடகிழக்கு மாநிலங்களில் தற்போது கனமழை பெய்து வருகிறது. இதன் காரணமாக சேலம், திருப்பூர் மற்றும் ஈரோடு வழியாக செல்லும் ரயில்கள் ரத்து செய்யப்பட்டுள்ளது. அதன்படி கோயம்புத்தூரில் இருந்து கவுகாத்திக்கு இரவு 9:45 மணிக்கு செல்லும் கோவை-சில்சார் வாராந்திர எக்ஸ்பிரஸ் ரயில் நாளை மற்றும் ஜூலை 10-ம் தேதி ரத்து செய்யப்பட்டுள்ளது.
இந்த ரயில் சில்சார் ரயில்வே நிலையத்திலிருந்து புறப்படாமல் கவுகாத்தியிலிருந்து ஜூலை 5-ம் தேதி மற்றும் ஜூலை 12-ஆம் தேதி புறப்படும். இதனையடுத்து திருவனந்தபுரத்தில் இருந்து மாலை 4:55 மணிக்கு புறப்படும் திருவனந்தபுரம்-சில்சார் வாராந்திர எக்ஸ்பிரஸ் ரயில் கவுகாத்தி வரை மட்டும் செல்லும். இந்த ரயில் ஜூலை 7 மற்றும் 14-ஆம் தேதி கவுகாத்தி ரயில் நிலையத்திலிருந்து புறப்பட்டுச் செல்லும். இந்த அறிவிப்பை சேலம் ரயில்வே கோட்ட அதிகாரிகள் தெரிவித்துள்ளனர்.