நடிகர் மகேஷ்பாபு விக்ரம் பட குழுவினருக்கு ட்விட்டரில் தனது வாழ்த்துக்களை கூறியுள்ளார்.
தமிழ் சினிமா உலகில் ஒரு சில திரைப்படங்களை மட்டுமே இயக்கி முன்னணி இயக்குனராக வலம் வருகின்றார் லோகேஷ் கனகராஜ். கைதி திரைப்படத்தின் மூலம் அறிமுகமான லோகேஷ் கனகராஜ் தற்போது கமலின் விக்ரம் திரைப்படத்தை இயக்கியுள்ளார். லோகேஷ் கனகராஜ் கமலின் தீவிர ரசிகர். இத்திரைப்படத்தில் சூர்யா கெஸ்ட் ரோலில் நடித்து இருக்கின்றார். இப்படத்தை உதயநிதியின் ரெட் ஜெயண்ட் மூவிஸ் தயாரித்தது.
இந்நிலையில் படம் சென்ற ஜூன் 3-ம் தேதி வெளியாகி ரசிகர்களிடையே நல்ல வரவேற்பு பெற்றது. இத்திரைப்படம் முழுக்க முழுக்க லோகேஷ் கனகராஜ் படமாக இருக்கின்றது. கதாபாத்திரங்கள் தேர்வு, ஸ்கிரீன்பிளே, ஆக்சன் காட்சிகள் என அனைத்திலும் லோகேஷ் கனகராஜ் ஆதிக்கம் இருக்கின்றது. இத்திரைப்படம் சர்வதேச தரத்தில் இருப்பதாக பாராட்டுகள் குவிந்தது. லோகேஷ் ஒவ்வொரு கதாபாத்திரங்களையும் செதுக்கியிருப்பதாக அவருக்கு பாசிட்டிவான கமெண்ட்டுகள் குவிந்தது.
விக்ரம் திரைப்படம் வெற்றி பெற்றதால் கமல், லோகேஷ் கனகராஜுக்கு காரும் சூர்யாவுக்கு ரோலக்ஸ் கைக்கடிகாரத்தையும் படத்தில் உதவி இயக்குனர்களாக பணிபுரிந்தவர்களுக்கு பைக்குகளையும் கமல்ஹாசன் பரிசாக வழங்கினார். இந்த நிலையில் விக்ரம் திரைப்படத்திற்கு வாழ்த்து தெரிவித்து மகேஷ் பாபு தனது ட்விட்டர் பக்கத்தில் பதிவு ஒன்றை பகிர்ந்துள்ளார்.
அதில் அவர் கூறியுள்ளதாவது, விக்ரம் ஒரு பிளாக்பஸ்டர் சினிமா. நவீன காலத்தில் மிகச்சிறந்த படைப்பு. இத்திரைப்படம் எப்படி உருவாக்கப்பட்டது என்பதை இயக்குனரிடம் கேட்டு அறிந்து கொள்ள விருப்பமாக இருக்கின்றேன். விக்ரம் மெய்மறக்கச் செய்யும் உணர்ச்சி பூர்வமான படம் சகோதரர். லோகேஷ் கனகராஜ்-க்கு பாராட்டுகள். படத்தில் விஜய் சேதுபதியும் பகத் பாசிலும் அற்புதமாக நடித்துள்ளார்கள். இதற்கு மேல் சிறப்பாக நடிக்கவே முடியாது என்ற அளவிற்கு அவர்களின் உழைப்பு தெரிகின்றது. சிறந்த ஒரு பின்னணி இசை அனிருத் கொடுத்திருக்கின்றார். விக்ரம் பட பாடல்கள் என்னுடைய ப்ளே லிஸ்டில் நீண்ட காலம் இருக்கும். கடைசியாக, லெஜெண்ட் கமல் சாரை பற்றி விமர்சனம் எழுத எனக்கு தகுதி இல்லை. அவரின் மிகப்பெரிய ரசிகன் என்ற அடிப்படையில் இது எனக்கு பெருமை மிகுந்த தருணம். கமல் சார் உங்களுக்கும் உங்களது டீமுக்கும் என்னுடைய வாழ்த்துக்கள் சார் என அவர் அதில் பதிவிட்டுள்ளார்.