தண்ணீரில் மூழ்கி மூதாட்டி பலியான சம்பவம் சோகத்தை ஏற்படுத்தியுள்ளது.
கன்னியாகுமரி மாவட்டத்தில் உள்ள குதிரைபந்திவிளை பகுதியில் செல்லப்பெருமாள் என்பவர் வசித்து வருகிறார். இவருக்கு செல்லதங்கம்(65) என்ற மனைவி இருந்துள்ளார். இந்நிலையில் செல்லதங்கம் அப்பகுதியில் இருக்கும் குளத்தில் குளித்து கொண்டிருந்த போது எதிர்பாராதவிதமாக தண்ணீரில் மூழ்கினார். இதனை பார்த்ததும் சில வாலிபர்கள் உடனடியாக செல்ல தங்கத்தை மீட்டு ஆட்டோ மூலம் நாகர்கோவிலில் இருக்கும் தனியார் மருத்துவமனைக்கு சிகிச்சைக்காக கொண்டு சென்றனர்.
அங்கு மூதாட்டி பரிசோதித்து பார்த்த மருத்துவர்கள் அவர் ஏற்கனவே இறந்து விட்டதாக தெரிவித்துள்ளனர். பின்னர் போலீசார் மூதாட்டியின் உடலை ஆசாரிப்பள்ளம் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இது குறித்து வழக்கு பதிவு செய்த போலீசார் விசாரணை நடத்தி வருகின்றனர்.