தமிழக முழுவதும் உள்ள பள்ளிக்கல்வி துறையின் கட்டுப்பாட்டில் கீழ் இயங்கும் ஊராட்சி ஒன்றிய, நகராட்சி, அரசு தொடக்க, நடுநிலை, உயர்நிலை மற்றும் மேல்நிலைப் பள்ளிகளில் 2022-2023 ஆம் கல்வியாண்டில் காலியாக உள்ள இடைநிலை,பட்டதாரி மற்றும் முதுகலை ஆசிரியர் பணியிடங்களில் தற்காலிக ஆசிரியர் நியமனம் மேற்கொள்ளப்பட உள்ளது. எனவே இதற்கு தகுதியான விண்ணப்பதாரர்கள் விண்ணப்பிக்கலாம் என்று தமிழக அரசு அறிவித்துள்ளது.
இந்நிலையில் தமிழக அரசு பள்ளிகளில் தற்காலிக ஆசிரியர் பதவிக்கு இன்று முதல் விண்ணப்பம் ஆரம்பமாகிறது. இதற்கு விண்ணப்பிக்க விரும்புவோர் மாவட்ட கல்வி அலுவலகத்திலோ, வட்டார கல்வி அலுவலகத்திலோ விண்ணப்பிக்கலாம். இல்லம் தேடி கல்வி திட்டத்தின் கீழ் பணியாற்றும் தன்னார்வலர்கள் ஆசிரியர் தகுதித்தேர்வு முடித்தவர்களுக்கு இதில் முன்னுரிமை வழங்கப்படும்.