ஈராக் நாட்டில் உள்ள குடிநீர் சுத்திகரிப்பு நிலையத்திலிருந்து குளோரின் வாயு கசிவு ஏற்பட்டதால் 300 நபர்கள் மூச்சு திணறலால் அவதிப்பட்டு வருவதாக தெரிவிக்கப்பட்டுள்ளது.
ஈராக்கில் இருக்கும் டிஹிகுவார் என்னும் மாகாணத்தில் உள்ள குவால்ட் சுஹர் என்ற மாவட்டத்தில் அமைந்திருக்கும் குடிநீர் சுத்திகரிப்பு நிலையத்தில் நேற்று முன்தினம் இரவு குளோரின் வாயு கசிந்தது.
இதனைத்தொடர்ந்து சுத்திகரிப்பு நிலையத்தில் பணியாற்றிய ஊழியர்கள், அக்கம் பக்கத்தை சேர்ந்தவர்கள் என்று சுமார் 300-க்கும் மேற்பட்டோர் மூச்சு திணறலால்பாதிக்கப்பட்டனர். உடனடியாக, அவர்கள் அருகே இருக்கும் மருத்துவமனையில் சேர்க்கப்பட்டார்கள். தற்போது காவல்துறையினர், இது குறித்து வழக்கு பதிவு செய்து விசாரணை மேற்கொண்டு வருகிறார்கள்.