பிரபல இயக்குனர் மணிரத்தினம் கல்கியின் நாவலான பொன்னியின் செல்வன் என்ற திரைப்படத்தை 2 பாகங்களாக இயக்கி வருகிறார். இந்த படத்தின் முதல் பாகம் வருகிற செப்டம்பர் 30-ம் தேதி திரையரங்கில் ரிலீஸ் ஆகும் என்று அதிகாரப்பூர்வமாக அறிவிக்கப்பட்டுள்ளது. இந்த படத்தில் கார்த்திக், ஜெயம் ரவி, விக்ரம், பிரகாஷ் ராஜ், ரகுமான், திரிஷா, ஐஸ்வர்யா ராய் உள்ளிட்ட பல பிரபலங்கள் முக்கியமான கதாபாத்திரத்தில் நடித்துள்ளனர்.
இந்த படத்தின் ஃபர்ஸ்ட் லுக் போஸ்டர்கள் சமீபத்தில் வெளியாகி ரசிகர்களிடையே நல்ல வரவேற்பை பெற்றுள்ளது. இந்நிலையில் தற்போது குந்தவையாக நடிக்கும் த்ரிஷாவின் பர்ஸ்ட் லுக் போஸ்டர் வெளியாகியுள்ளது. அதில் ஆண்களின் உலகில், தைரியமான பெண், குந்தவை இளவரசி என்று குறிப்பிடப்பட்டுள்ளது. இந்த போஸ்டர் தற்போது இணையத்தில் வைரலாகி வருகிறது.