தமிழகத்தில் கொரோனா காரணமாக நிறுத்தப்பட்ட ரயில் சேவைகள் அனைத்தும் தற்போது படிப்படியாக இயக்கப்பட்டு வருகின்றன. தற்போது பெரும்பாலான ரயில்கள் இயக்கப்பட்டு உள்ள நிலையில் ஒரு சில ரயில்கள் மட்டுமே இயக்கப்படாமல் உள்ளது. அது குறித்த அறிவிப்பும் அவ்வபோது வெளியிடப்பட்டு வருகிறது. இந்நிலையில் நெல்லையில் இருந்து ஈரோடு வரை இயக்கப்படும் எக்ஸ்பிரஸ் ரயில் இன்று (ஜூலை 11) முதல் இயக்க முடிவு செய்யப்பட்டுள்ளதாக தெற்கு ரயில்வே அறிவித்துள்ளது.
அதன்படி இன்று ரெயில் (எண் 16845) ஈரோட்டில் இருந்து மதியம் 1.30 மணிக்கு புறப்பட்டு இரவு 9.45 மணிக்கு நெல்லை சென்றடைகிறது. விருதுநகருக்கு மாலை 6.43 மணிக்கு வந்து 6.45 மணிக்கு புறப்பட்டு செல்கிறது. இதேபோன்று 12-ந் தேதி ரெயில் (எண் 16846) நெல்லையிலிருந்து காலை 6.15 மணிக்கு புறப்பட்டு ஈரோட்டிற்கு மதியம் 2.30 மணிக்கு சென்றடைகிறது. இந்த ரெயில் விருதுநகருக்கு காலை 8.13 மணிக்கு வந்து 8.15 மணிக்கு புறப்பட்டு செல்கிறது. பயணிகள் ரெயிலாக இயக்கப்பட்டு வந்த இந்த ரயில் தற்போது எக்ஸ்பிரஸ் கட்டணத்தில் இயக்கப்படுகிறது.