திடீரென உயிரிழந்த புலிக்கு வனத்துறையினர் அஞ்சலி செலுத்தியுள்ளனர்.
வடக்கு வங்காளத்தில் உள்ள ஜல்தபாராவில் கைராபரி சிறுத்தை புலி மீட்பு மையம் அமைந்துள்ளது. இங்கு கடந்த 2008-ம் ஆண்டு ஆகஸ்ட் மாதம் சதுப்பு நில டெல்டாவான சுந்தர் பன்சில் இருந்து ஒரு புலி கொண்டுவரப்பட்டது. இந்த புலியை ஒரு மிகப்பெரிய முதலை கடித்ததால் புலியின் வலது பின்னங்காலில் காயம் ஏற்பட்டது. இதனால்தான் சிறுத்தை புலி மீட்பு மையத்திற்கு புலி கொண்டுவரப்பட்டது.
இந்தப் புலிக்கு ராஜா என்று பெயர் வைக்கப்பட்டுள்ளது. இந்நிலையில் சிறுத்தை புலி மீட்பு மையத்திற்கு ராஜா வந்த போது அதற்கு 11 வயது இருந்தது. இதனையடுத்து ராஜா புலி 25 வருடங்கள் 10 மாதங்கள் 18 நாட்கள் வாழ்ந்துள்ளது. இந்த புலி மேற்கு வங்கத்தில் உள்ள ஒரு மீட்பு மையத்தில் இன்று உயிரிழந்தது. இந்த புலி இந்தியாவில் மிக அதிக நாட்கள் வாழ்ந்த புலியாகும். மேலும் இறந்த புலியின் உடலுக்கு வனத்துறையினர் அஞ்சலி செலுத்தினர்.