ஓய்வு பெற்ற பள்ளி, கல்லூரி ஆசிரியர்கள் பல்வேறு கோரிக்கைகளை வலியுறுத்தி திடீரென போராட்டத்தில் ஈடுபட்ட சம்பவம் பரபரப்பை ஏற்படுத்தியுள்ளது.
தூத்துக்குடி மாவட்டத்திலுள்ள சிதம்பரநகர் பேருந்து நிலையம் அருகில் ஓய்வு பெற்ற பள்ளி, கல்லூரி ஆசிரியர் நலச்சங்கம் சார்பினர் திடீரென போராட்டத்தில் ஈடுபட்டனர். இந்த போராட்டம் மாவட்ட தலைவர் பெ.சாம்பசிவன் தலைமையில் நடைபெற்றது. மேலும் வட்ட செயலாளர் த.சம்பத் சாமுவேல் முன்னிலை வகித்தார். இந்த போராட்டத்தில் மாவட்ட செயலாளர் எம்.ஏ.எச்.முத்தையா, மாநில பொதுக்குழு உறுப்பினர் பே.சங்கரலிங்கம், அனைத்து துறை ஓய்வூதியர் சங்க செயலாளர் ராமமூர்த்தி, பி.எஸ்.என்.எல் ஓய்வூதியர் சங்கத்தை சேர்ந்த பி.ராமர் ஆகியோர் கோரிக்கைகளை வலியுறுத்தி பேசினர்.
மேலும் சிறப்பு அழைப்பாளராக சங்கத்தின் மாநில இணை செயலாளர் வெ.லீலாவதி கலந்து கொண்டு பேசினார். அதில் அவர்கள் கூறியதாவது, தன் பங்கேற்பு ஓய்வூதிய திட்டத்தை ரத்து செய்ய வேண்டும் எனவும், மத்திய அரசு வழங்கி உள்ள அகவிலைப்படி நிலுவையை உடனடியாக வழங்க வேண்டும் எனவும் கூறினர். மேலும் குடும்ப நலநிதி உடனடியாக வழங்க வேண்டும் உள்ளிட்ட கோரிக்கைகளை வலியுறுத்தி போராட்டத்தில் ஈடுபட்டனர். இந்த போராட்டத்தில் ஓய்வு பெற்ற பள்ளி, கல்லூரி ஆசிரியர்கள் பலர் கலந்து கொண்டனர்.