ஓசூரில் வரலாற்றில் கிருஷ்ணகிரி மாவட்டம் என்ற நூல் வெளியீட்டு விழாவானது நடைபெற்றது.
கிருஷ்ணகிரி மாவட்டத்தில் உள்ள ஓசூரில் இன்று வரலாற்றில் கிருஷ்ணகிரி மாவட்டம் என்ற வரலாற்று நூல் வெளியீட்டு விழாவானது தொல்லியல் அறிஞர் பூங்குன்றன் தலைமையில் நடைபெற்றது. இந்த நூலை வரலாற்று ஆய்வு மைய தலைவர் கிருஷ்ணன் எழுதியுள்ளார். மேலும் இந்நிகழ்ச்சியில் வணங்காமுடி, வேல்முருகன், டிவிஎஸ் மோட்டார் தொழிற்சங்க தலைவர் குப்புசாமி, நந்தவனம், சந்திரசேகர் உள்ளிட்டோர் கலந்து கொண்டு முன்னிலை வகித்தார்கள்.
ஏ.கே.ராஜு வரவேற்றார். இதையடுத்து நடிகர் பொன்வண்ணன் நிகழ்ச்சியில் பங்கேற்று நூலை வெளியிட்டார். அதை கங்கைகொண்ட சோழபுரம் மேம்பாட்டு குழு தலைவர் கோமகன் பெற்றுக் கொண்டார். மேலும் இந்த நிகழ்ச்சியில் பாவலர் அறிவுமதி, பூங்குன்றன், பிஎம்சி டெக் கல்வி நிறுவனங்களின் தலைவர் குமார் என பலர் கலந்து கொண்டார்கள். இறுதியாக முருகுகுமரன் நன்றி உரையாற்றினார்.