கன்னட நடிகர் சிவரஞ்சன் மீது அடையாளம் தெரியாத நபர்களால் கொலை முயற்சி அரங்கேறியுள்ளது. செவ்வாய்க்கிழமை இரவு 8 மணியளவில் பைக்கில் வந்த இருவர் சிவரஞ்சன் மீது துப்பாக்கிச் சூடு நடத்தினர். அவர் காயமின்றி தப்பினார். சொத்து தகராறு காரணமாக துப்பாக்கிச்சூடு நடந்ததாக முதற்கட்ட தகவல் வெளியாகியுள்ளது. இந்த சம்பவம் குறித்து விசாரணை தொடங்கப்பட்டுள்ளதாகவும், குற்றம் சாட்டப்பட்டவர்கள் குறித்து துப்பு கிடைத்துள்ளதாகவும் பெலகாவி எஸ்பி சஞ்சீவ் பாட்டீல் தெரிவித்தார்.
பெலகாவியில் உள்ள சிவரஞ்சனின் பெற்றோர் வீட்டிற்கு முன்பாக துப்பாக்கிச் சூடு நடத்தப்பட்டது. வீட்டுக்குள் நுழைந்த போது பைக்கில் வந்தவர்கள் துப்பாக்கியால் சுட்டனர். மூன்று முறை சுட்டுவிட்டு பைக்கில் தப்பினர்.