டிஎன்பிஎஸ்சி குரூப் 1 தேர்வில் வெற்றி பெற்றவர்களின் இறுதி பட்டியல் வெளியிடப்பட்டுள்ளது. நேர்காணல் ஏற்கனவே முடிவடைந்த நிலையில் தற்போது வெற்றி பெற்றவர்களின் இறுதி பட்டியலை டிஎன்பிஎஸ்சி வெளியிட்டுள்ளது. துணை ஆட்சியர், காவல்துறை துணை கண்காணிப்பாளர்,வணிகவரி உதவி ஆணையர் உள்ளிட்ட 66 காலி பணியிடங்களுக்கு குரூப்-1 முதல் நிலை தேர்வு தமிழ்நாடு அரசு பணியாளர் தேர்வாணையம் கடந்த ஆண்டு ஜனவரி மாதம் நடத்தியது.
அதன் பிறகு கொரோனா காரணமாக முதன்மை தேர்வு ஒத்திவைக்கப்பட்ட நிலையில், கடந்த மார்ச் 4ஆம் தேதி முதல் ஆறாம் தேதி வரை முதன்மை தேர்வு நடைபெற்றது. அதில் தேர்ச்சியானவர்கள் ஜூலை 13, 14, 15 ஆகிய தேதிகளில் நேர்காணலுக்கு அழைக்கப்பட்டனர். நேர்காணல் முடிவடைந்ததை அடுத்து குரூப்-1 தேர்வில் வெற்றி பெற்றவர்களின் இறுதி பட்டியலை https://www.tnpsc.gov.in என்ற தனது அதிகாரபூர்வ இணையதள பக்கத்தில் டிஎன்பிஎஸ்சி வெளியிட்டுள்ளது.