கடந்த 2015 ஆம் வருடம் அஜய்ஞானமுத்து இயக்கத்தில் வெளியாகிய படம் டிமான்ட்டி காலனி. அருள்நிதி, ரமேஷ் திலக், சனத் உட்பட பலர் நடிப்பில் வெளியாகி விமர்சன ரீதியாகவும் இந்த படம் வசூல் ரீதியாகவும் நல்ல வரவேற்பை பெற்றது. மு.க.தமிழரசு தயாரிப்பில் உருவாகிய இப்படத்தினை தேனாண்டாள் பிலிம்ஸ் நிறுவனம் வெளியிட்டது. இதற்கிடையில் அஜய்ஞானமுத்து அறிமுகமான முதல் திரைப்படத்திலேயே அனைவரின் கவனத்தையும் ஈர்த்தார். இதையடுத்து டிமான்ட்டி காலனி திரைப்படத்தின் 2ஆம் பாகத்திற்கான அறிவிப்பு சமீபத்தில் வெளியானது.
சுமார் 7 வருடங்களுக்கு பின் இதன் 2ஆம் பாகத்தில் அருள்நிதி நடிக்க ஒப்புக்கொண்டுள்ளார். இந்த படத்திற்கு கதை, திரைக்கதை, வசனம் எழுதி, இயக்குனர் அஜய் ஞானமுத்து இந்த படத்தை தயாரிக்க, அவரது இணை இயக்குனரான வெங்கி வேணுகோபால் இப்படத்தினை இயக்குகிறார். இந்த நிலையில் டிமான்ட்டி காலனி 2ஆம் பாகத்தின் கதாநாயகி தொடர்பான தகவல் வெளியாகி இருக்கிறது. அந்த வகையில் இந்த படத்தில் கதாநாயகியாக பிரியா பவானிசங்கர் நடிக்க இருப்பதாக கூறப்படுகிறது.