கல்குவாரிகள் செயல்படக்கூடாது என்ற உத்தரவுக்கு நீதிமன்றம் இடைக்கால தடை விதித்துள்ளது.
திருநெல்வேலி மாவட்டத்திலுள்ள கல்குவாரிகள் மற்றும் கிரசர் உரிமையாளர்கள் மதுரை ஹைகோர்ட்டில் ஒரு மனுத்தாக்கல் செய்திருந்தனர். கடந்த மே மாதம் அடை மிதிப்பான் குளம் பகுதியில் உள்ள கல்குவாரியில் நடந்த விபத்தில் 4 பேர் பரிதாபமாக உயிரிழந்தனர். இதன் காரணமாக மாவட்டம் முழுவதும் உள்ள கல்வாரிகள் மற்றும் கிரஷர்கள் இயங்க கூடாது என வாய்மொழி உத்தரவாக பிறப்பிக்கப்பட்டது. இதனால் நாங்கள் பல்வேறு விதத்தில் பாதிக்கப்பட்டுள்ளோம். எனவே டிரான்சிட்பாட்ஸ்க்கு அனுமதி வழங்குமாறு புவியியல் மற்றும் சுரங்க உதவி இயக்குனருக்கு அனுமதி வழங்க வேண்டும்.
மேலும் ஒரு கல்குவாரியில் நடந்த விபத்திற்காக எல்லா கல்குவாரிகளையும் மூடுமாறு கூறியது எந்த விதத்தில் நியாயமாகும் எனவும் குறிப்பிட்டுள்ளனர். இதற்கு நீதிபதி ஒரு இடத்தில் இருந்து மற்றொரு இடத்திற்கு ஜல்லி கல், எம் சாண்ட் போன்ற போன்ற சிறு பொருட்களைக் கொண்டு செல்வதற்கு வாய் மொழியாக பிறபிக்கப்பட்ட உத்தரவுக்கு இடைக்கால தடை விதித்ததோடு, கனிமவளத்துறை அதிகாரிகள் மனுதாரர்கள் கோரிக்கை குறித்து பதில் மனு தாக்கல் செய்ய வேண்டும் எனவும் உத்தரவிட்டுள்ளார். மேலும் வழக்கு விசாரணையை ஆகஸ்ட் 2-ம் தேதிக்கு ஒத்தி வைத்துள்ளார்.