வம்சி பைடிப்பள்ளி இயக்கத்தில் விஜய் நடித்து வரும் திரைப்படம் வாரிசு ஆகும். இந்த படம் தமிழ் மற்றும் தெலுங்கு மொழிகளில் நேரடியாக வெளியாக இருக்கிறது. இப்படத்தில் விஜய்க்கு ஜோடியாக ரஷ்மிகா மந்தனா நடித்து வருகிறார். இத்திரைப்படத்தின் படப்பிடிப்பு ஹைதராபாத்தில் மும்முரமாக நடந்து வருகிறது. 2023 பொங்கலுக்கு இப்படம் திரைக்கு வர இருக்கிறது. இதனையடுத்து லோகேஷ் கனகராஜ் இயக்கத்தில் விஜய் தளபதி 67 திரைப்படத்தில் நடிக்க இருக்கிறார். கமல் நடிப்பில் வெளியாகிய விக்ரம் படம் நல்ல வரவேற்பை பெற்றதை அடுத்து லோகேஷ் இயக்க இருக்கும் விஜய் படத்திற்கு மிகப்பெரிய எதிர்பார்ப்பு எழுந்திருக்கிறது.
இத்திரைப்படத்தில் விஜய்க்கு எதிராக ஒரு வில்லி கதாப்பாத்திரம் இடம்பெற்றிருப்பதாகவும், இதற்கான தேர்வு நடந்து வருவதாகவும் கூறப்படுகிறது. இவற்றில் முன்னணி நடிகை ஒருவர் வில்லி கதாப்பாத்திரத்தில் நடிக்கலாம் எனவும் தகவல் வெளியாகி உள்ளது. அந்த வகையில் இதில் சமந்தாதான் விஜய்க்கு வில்லியாக நடிக்க உள்ளதாக சினிமா வட்டாரங்கள் தெரிவிக்கிறது. இது தொடர்பான அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. சமந்தா இதற்கு முன் விஜய்யுடன் கத்தி, தெறி, மெர்சல் படங்களை நடித்திருப்பது குறிப்பிடத்தக்கது.