தமிழ் சினிமாவில் முன்னணி நடிகராக வலம் வருபவர் விஜய் சேதுபதி. இவர் நடிகராக மட்டுமில்லாமல் வில்லனாகவும் நடித்து வருகிறார். கடந்த ஜூன் 3 ஆம் தேதி கமல் நடிப்பில் வெளியான விக்ரம் படத்தில் விஜய் சேதுபதி வில்லன் கதாபாத்திரத்தில் நடித்திருந்தார். இந்த படம் ரசிகர்கள் மத்தியில் அதிக வரவேற்பை பெற்றது. அதனை தொடர்ந்து விஜய் சேதுபதி கதாநாயகனாக நடித்து வெளியான மாமனிதன் திரைப்படமும் நல்ல வரவேற்பு பெற்றது. இதனையடுத்து விஜய் சேதுபதி அறிமுக இயக்குனர் இந்து இயக்கத்தில் மலையாள படம் ஒன்றில் நடித்து வருகிறார். இந்த படத்திற்கு 19(1)(a) என்ற பெயரிடப்பட்டுள்ளது.
இந்த படத்தின் முக்கிய கதாபாத்திரத்தில் நித்தியாமேனன் நடித்திருக்கிறார். ஆண்டோ ஜோசப் ஃபிலிம் கம்பெனி தயாரித்துள்ள இப்படத்திற்கு கோவிந்த் வசந்தா இசையமைத்துள்ளார். அதனை தொடர்ந்து கருத்து சுதந்திரத்தை மையமாக வைத்து இந்த படம் உருவாக்கப்பட்டுள்ளது. இந்த படத்தின் பர்ஸ்ட் லுக் சமீபத்தில் வெளியாகி வைரலானது. இந்நிலையில் இந்த படம் நேரடியாக disney+ hotstar ஓடிடி தளத்தில் வெளியாக உள்ளதாக அதிகாரப்பூர்வ அறிவிப்பு வெளியாகி உள்ளது. மேலும் இந்த படம் வெளியிடும் தேதி குறித்த அறிவிப்பு விரைவில் அறிவிக்கப்படும் என்று எதிர்பார்க்கப்படுகிறது.