செங்கல்பட்டு மாவட்டம் மாமல்லபுரத்தில் வருகின்ற 28ஆம் தேதி முதல் ஆகஸ்ட் 10ஆம் தேதி வரை செஸ் ஒலிம்பியாட் போட்டி தொடங்க உள்ளது. இதனை முன்னிட்டு மாமல்லபுரத்தில் பகுதியில் உள்ள அனைத்து தெருக்களிலும் முக்கிய பிரதான மையங்களிலும் கண்காணிப்பு தீவிரப்படுத்தப்பட்டுள்ளது. இந்நிலையில் மாமல்லபுரம் ஐந்துரதம் அருகில் உள்ள வெண்புருஷம் சாலை ஓரத்தில் நேற்று காலை ஏராளமான மிட்டாய் பாக்கெட்டுகள் குவியல் குவியலாக வீசப்பட்டு கிடந்தது. அப்போது அந்த வழியாக நடை பயிற்சிக்கு சென்ற சிலர் இது குறித்து கொடுத்து தகவலின் படி, உணவு பாதுகாப்பு துறை அதிகாரிகள் அந்த பகுதிக்கு விரைந்து வந்து காலவிதியான இனிப்பு மிட்டாய் பாக்கெடுகளை கைப்பற்றி விசாரணை நடத்தி வருகின்றனர்.
இதில் காலாவதியான கடலைமிட்டாய், எள்ளு மிட்டாய் பாக்கெட்டுகள் அதிக அளவில் வீசப்பட்டு இருந்தது. அதனைத் தொடர்ந்து மாமல்லபுரத்தில் இருந்து கொண்டு வந்து வெண்புருஷன் சாலையில் அதனைக் கொட்டிய கடைக்காரர் யார் என்பது குறித்து உணவு பாதுகாப்பு துறை அதிகாரிகள் விசாரணை நடத்தி வந்தனர். கடந்த சில நாட்களாக மாம்பழபுரத்தில் பகுதியில் கடைகளில் விற்கப்படும் உணவு பொருட்களின் தர குறித்து அதிகாரிகள் தீவிரமாக சோதனை நடத்தி வருகிறார்கள். இதில் அதிகாரிகள் சோதனைக்கு பயந்து வியாபாரிகள் கடைகளில் இருந்து மிட்டாய் பாக்கெட்டுகளை அள்ளி வந்து இங்கு சாலையோர வீசிவிட்டு சென்றிருக்கலாம் என்று உணவு பாதுகாப்பு துறை அதிகாரிகள் தெரிவித்தனர். மேலும் இது குறித்து தீவிரமாகவும் விசாரணை மேற்கொள்ளப்பட்டு வருவதாகவும் தெரிவித்தனர்.