வடபழனி ஆற்காடு சாலையில் உள்ள மூன்று கடைகளில் அடுத்தடுத்து கைவரிசை காட்டிய இளைஞரை போலீசார் கைது செய்துள்ளனர்.
வடபழனி ஆற்காடு சாலையில் வணிக வளாகம் எதிரே கடந்த மாதம் மளிகை கடை, பெட்டி கடை போன்ற மூன்று கடைகள் அடுத்தடுத்து உடைக்கப்பட்டு அங்கிருந்து 8000 ரொக்கம் மற்றும் பொருட்கள் திருட்டு போனது. வடபழனி கமிஷனர் பாலமுருகன் தலைமையிலான தனிப்படை போலீசார் கண்காணிப்பு கேமரா பதிவுகளை ஆய்வு செய்த போது அதே பகுதியில் உள்ள அழகர் பெருமாள் கோவில் தெருவை சேர்ந்த அப்துல் ஷெரீப் என்பவர் கைவரிசை காட்டியது தெரியவந்துள்ளது. இந்த நிலையில் தலைமறைவாக இருந்த ஷெரிப்பை நேற்றிரவு போலீசார் கைது செய்துள்ளனர். அவர் மீது ஏற்கனவே வடபழனி, விருகம்பாக்கம் போலீஸ் நிலையங்களில் திருட்டு மற்றும் வழிப்பறி வழக்குகள் என்பது குறிப்பிடத்தக்கதாகும்.