உலகக் கோப்பை துப்பாக்கிச்சுடுதல் போட்டியில் இந்திய வீராங்கனை அஞ்சும் முட்கில் வெண்கலம் வென்றார். அதுமட்டுமல்லாமல் தரவரிசையில் நம்பர் 1 இடத்தையும் பிடித்து அவர் சாதனை புரிந்திருக்கிறார். தரவரிசை சுற்றுக்கு நடந்த தகுதிச் சுற்றில் அஞ்சும் முட்கில் 586 புள்ளிகள் பெற்றார். இதையடுத்து தரவரிசை சுற்றில் 402.9 புள்ளிகள் பெற்று 3வது இடம் பிடித்தார். இதற்கு முன்னதாக சில மாதங்களுக்கு முன் நடந்த உலகக்கோப்பை துப்பாக்கிச்சுடுதல் போட்டியில் அஞ்சுல் முட்கில் வெள்ளிவென்றார்.
இது தொடர்பாக அஞ்சும் முட்கில் கூறியிருப்பதாவது “டோக்கியோ ஒலிம்பிக்போட்டி எனக்கு பலவற்றை கற்றுக்கொடுத்தது. அங்கு கிடைத்த அனுபவம் எனக்கு இப்போட்டியில் உதவியது. டோக்கியோ ஒலிம்பிக்போட்டிக்கு பின் வழக்கமான பயிற்சிக்குத் திரும்ப நிறைய நேரம் எடுத்துக்கொண்டது. நம்பர்-1 வீராங்கனையாகி இருப்பது கூடுதலான அழுத்தத்தினை தரும். முதன் முறையாக நான் நம்பர் 1 வீராங்கனையாகி இருக்கிறேன். இதற்காக நான் மகிழ்ச்சியடைகிறேன் என்று கூறினார். இதற்கிடையே 50 மீ ரைபிள் துப்பாக்கிச்சுடுதல் போட்டியில் இந்திய ஆடவர் அணியானது வெள்ளி வென்றது.