தமிழகத்தில் கடந்த மே மாதம் நடந்து முடிந்த 10, 12 ஆம் வகுப்பு தேர்வு முடிவுகள் ஜூன் 20ஆம் தேதி வெளியிடப்பட்டது. இதனிடையே பொதுத்தேர்வில் தோல்வியடைந்த மாணவர்களுக்கு துணைத்தேர்வு நடத்தப்படும் என அரசு அறிவித்தது. துணைத் தேர்வு எழுத மாணவர்கள் விண்ணப்பிக்க கால அவகாசம் ஏற்கனவே முடிவடைந்து விட்டது.
இந்நிலையில் 12ஆம் வகுப்பு துணைத் தேர்வுக்கான ஹால் டிக்கெட்டை இன்று முதல் மாணவர்கள் பதிவிறக்கம் செய்து கொள்ளலாம் என தேர்வுத்துறை அறிவித்துள்ளது. 12ஆம் வகுப்பு மாணவர்களுக்கு துணைத்தேர்வு ஜூலை 25 முதல் ஆகஸ்ட் 1ஆம் தேதி வரை நடைபெற உள்ளது. இந்த தேர்வுக்கு விண்ணப்பித்த மாணவர்கள் இன்று பிற்பகல் முதல் www.dge.tn.gov.inஎன்ற இணையதளத்தில் பதிவு எண் மற்றும் பிறந்த தேதியை பதிவு செய்து ஹால் டிக்கெட்டை பதிவிறக்கம் செய்து கொள்ளலாம் என தெரிவிக்கப்பட்டுள்ளது.