தூத்துக்குடி மாவட்டம் சாயர்புரம் டாக்டர் ஜி.யு.போப் பொறியியல் கல்லூரியில் நடந்த மாநில அளவிலான சிலம்பம் மற்றும் கராத்தே போட்டியில் நாசரேத் ஆலன் திலக் பள்ளி மாணவ-மாணவிகள் பங்கேற்றனர். இதில் மாணவ-மாணவிகள் பல்வேறு பிரிவுகளில் கலந்துகொண்டு வெற்றி பெற்று பதக்கம், சான்றிதழ்கள் மற்றும் சாம்பியன் கோப்பையும் பெற்றனர். இவர்களுக்கு பாராட்டு விழாவானது நடைபெற்றது.
இந்த விழாவில் முன்னாள் அமைச்சரும், அ.தி.மு.க. தூத்துக்குடி மாவட்ட செயலாளருமான எஸ்.பி.சண்முகநாதன் கலந்துகொண்டு வெற்றி பெற்ற மாணவ-மாணவிகளுக்கு பாராட்டு தெரிவித்தார். மேலும் வெற்றிபெற்ற மாணவர்களையும், பயிற்சியளித்த கராத்தே மாஸ்டர் டென்னிசனையும் வாழ்த்தினார்.