விக்ரம் நடிக்கும் கோப்ரா திரைப்படத்தின் அப்டேட்டை படக்குழு வெளியிட்டுள்ளது.
நடிகர் விக்ரம் தமிழ் சினிமாவில் முன்னணி நடிகராக வலம் வருகிறார். இவர் நடிப்பில் பிரம்மாண்டமாக உருவாகியுள்ள திரைப்படம் பொன்னியின் செல்வன். இந்த படத்தின் முதல் பாகம் செப்டம்பர் 30ஆம் தேதி ரிலீசாக உள்ளது. இதனையடுத்து, இயக்குனர் அஜய் ஞானமுத்து இயக்கத்தில் இவர் நடித்துள்ள திரைப்படம் ”கோப்ரா”. இந்த படத்தில் ஸ்ரீநிதி செட்டி, இர்பான் பதான் மற்றும் பலர் முக்கிய கதாபாத்திரத்தில் நடித்துள்ளனர்.
செவன் ஸ்கிரீன் ஸ்டுடியோ தயாரித்துள்ள இந்த படத்திற்கு ஏ. ஆர். ரகுமான் இசையமைத்துள்ளார். இந்த நிலையில் படம் வருகின்ற ஆகஸ்ட் மாதம் 11-ம் தேதி வெளியாகும் என அறிவிக்கப்பட்டிருந்த நிலையில் திட்டமிட்டபடி பணிகள் முடியவில்லை. இதனால் படக்குழு ரிலீஸ் தேதியை தள்ளி வைத்திருப்பதாக செய்தி வெளியாகி உள்ளது.