பேன்சி கடையில் பணத்தை திருடிச் சென்ற வாலிபருக்கு 5 மாதம் சிறை தண்டனை விதித்து நீதிபதி தீர்ப்பளித்துள்ளார்.
தூத்துக்குடி மாவட்டத்திலுள்ள திருச்செந்தூர் பகுதியில் சரவணன் என்பவர் வசித்து வருகிறார். இவர் கோவில் வளாகத்தில் பேன்சி கடை நடத்தி வருகிறார். இந்நிலையில் கடந்த மார்ச் 14-ஆம் தேதி அவரது கடையில் ரூ.560-ஐ மர்ம நபர் திருடிச் சென்று விட்டார். இதுகுறித்து சரவணன் கோவில் காவல்துறையினரிடம் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் விசாரணை நடத்தினர்.
அந்த விசாரணையில் பணத்தை திருடியது பாளையங்கோட்டை திம்மராஜபுரம் பகுதியில் வசிக்கும் கார்த்தீசன் என்பது தெரியவந்துள்ளது. இதனையடுத்து காவல்துறையினர் கார்த்தீசனை கைது செய்துள்ளனர். இந்த வழக்கை விசாரித்த நீதிபதி கார்த்தீசனுக்கு 5 மாதம் சிறை தண்டனை விதித்து தீர்ப்பளித்துள்ளார்.