சென்னை திருவல்லிக்கேணி முக்தருனிஷா பேகம் தெருவில் சாகுல் அமீது(42) என்பவர் வசித்து வருகிறார். இவர் நேற்று திருவல்லிக்கேணி ஓ.வி.எம் தெருவில் மோட்டார் சைக்கிளில் சென்று கொண்டிருந்தார். அப்போது முகத்தில் முகக்கவசம் அணிந்த மர்ம நபர் ஒருவர் சாகுல் அமீதுவின் மோட்டார் சைக்கிளை வழிமறித்தார். உடனே சாகுல் அமீது மோட்டார் சைக்கிள் வேகத்தை குறைத்தார். அதற்குள் அந்த மரும நபர் சாகுல் அமீது மோட்டார் சைக்கிளில் இருந்து கீழே தள்ளினார்.
அதன் பிறகு அவர் வைத்திருந்த ரூ.1 லட்சம், 8 1/2 பவுன் தங்க கட்டி மற்றும் செல்போன் ஆகியவற்றை பறித்துக் கொண்டு அமீதுவின் மோட்டார் சைக்கிளில் ஏறி மர்ம நபர் தப்பிச் சென்றுவிட்டார். மேலும் தப்பி செல்லும்போது கீழே விழுந்து கிடந்த அமூதுவின் முதுகில் சிறிய கத்தியால் வெட்டிவிட்டு சென்றார். இதில் காயம் அடைந்த சாகுல் அமீது அரசு மருத்துவமனை சிகிச்சைக்கு சேர்க்கப்பட்டார். இதனையடுத்து இந்த வழிப்பறி கொள்ளை சம்பவம் குறித்து திருவல்லிக்கேணி போலீஸ் வழக்கு பதிவு செய்து விசாரணை நடத்தி வருகின்றனர். மேலும் மர்ம நபரை தீவிரமாக தேடி வருகின்றனர்.