மாமல்லபுரத்தில் 44-வது சர்வதேச செஸ் ஒலிம்பியாட் போட்டி வருகிற 28ஆம் தேதி முதல் ஆகஸ்ட் 10ஆம் தேதி வரை நடைபெற உள்ளது. செஸ் ஒலிம்பியாட் போட்டியின் தொடக்க விழா நாளை நடைபெறுகின்றது. இந்த போட்டியின் தொடக்க விழாவில் பங்கேற்பதற்காக பிரதமர் மோடி மற்றும் விளையாட்டு வீரர்கள் முக்கிய பிரமுகர்கள் சென்னை வருகின்றனர். இதன் காரணமாக சென்னை, செங்கல்பட்டு, காஞ்சிபுரம், திருவள்ளூர் ஆகிய மாவட்டங்களில் போக்குவரத்து நெரிசல் ஏற்படும்.
எனவே வரும் 28ஆம் தேதி சென்னை, செங்கல்பட்டு , காஞ்சிபுரம், திருவள்ளூர் மாவட்டங்களில் உள்ளூர் விடுமுறை அளித்து தமிழக அரசு உத்தரவு பிறப்பித்துள்ளது. மேலும் அத்தியாவசிய சேவைகள் வழங்கும் அரசு துறைகள் தவிர மற்ற அரசு அலுவலகங்கள் பள்ளி கல்லூரிகளுக்கு உள்ளூர் விடுமுறை விடப்பட்டுள்ளது. இந்த விடுமுறையை ஈடு செய்யும் வகையில் ஆகஸ்ட் 27ஆம் தேதி சனிக்கிழமை இந்த நான்கு மாவட்டங்களில் பள்ளி, கல்லூரிகள் இயங்கும் எனவும், அரசு அலுவலகங்கள் இயங்கும் எனவும் தமிழக அரசு ஆணை பிறப்பித்துள்ளது.