ஆட்டோவில் இருந்த பெண்ணிடம் 1 3/4 லட்சம் திருடிய 2 பெண்களை காவல்துறையினர் வலைவீசி தேடி வருகின்றனர்.
வேலூர் மாவட்டத்தில் உள்ள ராஜாக்கல் கிராமத்தில் துரைசாமி என்பவர் வசித்து வருகிறார். இவருக்கு ராஜகுமாரி என்ற மனைவி உள்ளார். இவர் பூ வியாபாரம் செய்து வருகிறார். இந்நிலையில் குடியாத்தம் நேதாஜி சவுக் பகுதிக்கு ராஜகுமாரி தனது மகளுடன் நகை உள்ளிட்ட பொருட்கள் வாங்க பணத்துடன் வந்துள்ளார். அங்கிருந்து ஆட்டோவில் ஏறி உறவினர்களை பார்க்க மகளுடன் லிங்குன்றம் கிராமத்திற்கு சென்றுள்ளார். இதனையடுத்து வழியில் 2 பெண்கள் ஆட்டோவில் ஏறியுள்ளனர். இந்நிலையில் ராஜகுமாரியின் மகள் நெல்லூர்பேட்டையில் உள்ள மாசுபாடு அம்மன் கோவிலுக்கு சென்றபோது ஆட்டோவில் இருந்த பெண்கள் ராஜகுமாரியிடம் பேசிக்கொண்டு சில்லறை காசுகள் கீழே கிடப்பதாக கூறியுள்ளனர்.
அதனை ராஜகுமாரி எடுக்க முயன்றபோது 2 பெண்களும் அவரது பையிலிருந்த ரூ.1 லட்சத்து 80 ஆயிரத்தை திருடியுள்ளனர். இதனையடுத்து அந்த 2 பெண்களும் ஆட்டோவில் இருந்து இறங்கி அங்கிருந்து சென்று விட்டனர். அதன் பின் ராஜகுமாரி தன் மகளுடன் லிங்குன்றம் கிராமம் அருகில் சென்று கொண்டிருந்த போது ரூ.1 லட்சத்து 80 ஆயிரம் காணாமல் போனது கண்டு அதிர்ச்சி அடைந்துள்ளார். அந்த பணத்தில் ஆட்டோவில் வந்த 2 பெண்களும் திருடி சென்றது தெரியவந்துள்ளது. இதனால் அதிர்ச்சி அடைந்த ராஜகுமாரி இதுகுறித்து குடியாத்தம் காவல் நிலையத்தில் புகார் அளித்துள்ளார். அந்த புகாரின்பேரில் வழக்குப்பதிவு செய்த காவல்துறையினர் விசாரணை நடத்தி வருகின்றனர்.