மலையாள திரை உலகில் இளம் நடிகராக வலம் வருபவர் சரத் சந்திரன். இவர் அனீசியா என்ற படத்தின் மூலம் மலையாளத் திரையுலகில் நடிகராக அறிமுகமானார். அதனைத் தொடர்ந்து பல படங்களுக்கு பின்னணி குரல் கொடுத்துள்ளார். 2017 ஆம் ஆண்டு இயக்குனர் லிஜோ ஜோஸ் பேல்லிசேரி இயக்கத்தில் வெளியான அங்கமாலீ டைரீஸ் படத்தில் நடித்திருந்தார்.
அதன் பிறகு சி.ஐ.ஏ உள்ளிட்ட பல படங்களில் நடித்து பிரபலமானார். இந்நிலையில் நடிகர் சரத் சந்திரன் நேற்று திடீரென உயிரிழந்தார். இவரது மறைவு மலையாள திரையுலகினரை அதிர்ச்சியில் ஆழ்த்தியுள்ளது. இவரின் இறப்பிற்கான காரணம் குறித்து இதுவரை எந்தவித தகவலும் வெளியாகவில்லை. மேலும் சரத் சந்திரன் மறைவிற்கு மலையாள திரையுலகினர், ரசிகர்கள் என பலரும் இரங்கல் தெரிவித்து வருகின்றனர்.