ஆட்டோ மீது மோதிய கார்….. படுகாயமடைந்த 2 பேர்…. சென்னையில் கோர விபத்து…!!

ஆட்டோ மீது கார் மோதிய விபத்தில் 2 பேர் படுகாயமடைந்த சம்பவம் பரபரப்பை ஏற்படுத்தியுள்ளது.

சென்னை மாவட்டத்தில் உள்ள கீழ்ப்பாக்கம் கண்ணகி சாலை பகுதியில் முகமது முதின்(32) என்பவர் வசித்து வருகிறார். நேற்று முன்தினம் முகமது காரில் மெரினா கடற்கரை சாலையில் சென்று கொண்டிருந்தார். அப்போது எதிர்பாராதவிதமாக கட்டுப்பாட்டை இழந்த கார் முன்னால் சென்ற ஆட்டோ மீது மோதியது. இந்த விபத்தில் ஆட்டோ ஓட்டுனர் குமார்(59), அவருடன் இருந்த பாபு(35) ஆகிய இருவரும் படுகாயமடைந்தனர்.

அவர்களை அக்கம் பக்கத்தினர் மீட்டு மருத்துவமனைக்கு சிகிச்சைக்காக அனுப்பி வைத்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. இதுகுறித்த புகாரின் பேரில் வழக்கு பதிவு செய்த போலீசார் விசாரணை நடத்தி வருகின்றனர்.