தென்னாப்பிரிக்கா நாட்டில் ஜோகன்னஸ்பர்க்கிற்கு மேற்கே உள்ள க்ரூகர்ஸ்டோர்ப்பின் என்ற புறநகர் பகுதியில் அமைந்துள்ளது. இந்தப் பகுதியில் மியூசிக் ஆல்பம் ஒன்றுக்கான வீடியோ ஷூட்டிங் நடைபெற்றுள்ளது. இந்த வீடியோ ஷூட்டிங் 18 முதல் 35 வயதுக்குட்பட்ட பெண் மாடல்களும் பல ஆண்களும் பங்கேற்றுள்ளனர். இந்நிலையில் இந்த ஷூட்டிங் போது துப்பாக்கி ஏந்திய ஒரு கும்பல் உள்ளே நுழைந்தது. அந்த ஷூட்டிங்கில் உள்ள பெண் மாடல்களை கூட்டு பாலியல் வன்கொடுமை செய்துள்ளனர். மேலும், வீடியோ ஷூட்டிங்கில் ஈடுபட்ட குழுவினரை சரமாரியாகத் தாக்கிய அந்த கும்பல் குழுவினரின் உபகரணங்களை அடித்து உடைத்து சேதப்படுத்தியுள்ளனர். இதனை தொடர்ந்து அங்கிருந்த ஆண்களை நிர்வாணப்படுத்தித் தாக்கிய கும்பல், அனைவரின் பணத்தையும் பொருள்களையும் கொள்ளையடித்து சென்றுள்ளனர்.
இந்த சம்பவத்தினால் தென்னாப்பிரிக்காவில் கடும் பரபரப்பு ஏற்படுத்தியுள்ளது. இது குறித்து கருத்து தெரிவித்துள்ள அந்நாட்டு அதிபர் சிரில் ரமபோசா, குற்றவாளிகளை விரைந்து பிடித்து தண்டனை வழங்க வேண்டும் என அந்நாட்டின் போலீசார் உத்தரவிட்டுள்ளார். இந்த தாக்குதல் தொடர்பாக இதுவரை சுமார் 20 சந்தேக நபர்களில் மூவரை பாதுகாப்புப் படையினர் கைது செய்துள்ளதாக போலீஸார் தெரிவித்துள்ளது. இது குறித்து அமைச்சர் பெக்கி செலே கூறியதாவது, ” பெண்கள் 18 மற்றும் 35 வயதிற்குட்பட்டவர்கள், ஒரு பெண் 10 ஆண்களாலும் மற்றொரு பெண் 8 பேராலும் கற்பழிக்கப்பட்டதாக செலே கூறினார். முதல்கட்ட விசாரணையில் கிடைத்த தகவலின் படி, குற்றத்தில் ஈடுபட்ட கும்பல் வேறு நாட்டைச் சேர்ந்தவர்கள் எனவும், இவர்கள் தென்னாப்பிரிக்காவின் கனிம சுரங்கங்களில் கொள்ளையில் ஈடுபடுபவர்கள் என்பது தெரியவந்துள்ளது. தென்னாப்பிரிக்காவில் பாலியல் குற்றங்கள் அதிகம் காணப்படுவதாகவும், சராசரியாக 12 நிமிடத்திற்கு ஒருவர் பாலியல் வன்கொடுமைக்கி ஆளாவதாகவும் புள்ளி விவரம் குறிப்பிட்டுள்ளது.