உயர்கல்வி படிக்கும் மாணவர்களுக்கு ரூபாய் ஆயிரம் உதவித்தொகை வழங்கும் மூவலூர் இராமாமிர்தம் அம்மையார் உதவி தொகை திட்டத்திற்கான வழிமுறைகளை உயர்கல்வித்துறை கடந்த சில தினங்களுக்கு முன்பு வெளியிட்டிருந்தது. தமிழக முதல்வர் சட்டமன்றத்தில் மூவலூர் ராமாமிர்தம் அம்மையார் நினைவு திருமண நிதியுதவி திட்டம், உயர்கல்வி உறுதி திட்டமாக மாற்றப்பட்டதாக அறிவித்தார். அதன்படி உயர்கல்வி படிக்கும் மாணவர்களுக்கு மாதந்தோறும் ஆயிரம் வழங்கப்படும் என்று அறிவிக்கப்பட்டது. தமிழகத்தில் உயர்கல்வி பயிலும் மாணவிகளுக்கு, மாதம் ரூ.1000 வழங்கும் மூவலூர் ராமாமிர்தம் அம்மையார் நினைவு திருமண நிதியுதவி திட்டத்திற்கான வழிகாட்டு நெறிமுறைகளையும் தமிழக அரசு வெளியிட்டது.
உயர்கல்வி படிக்கும் மாணவிகளுக்கு மாதம் தோறும் ஆயிரம் உதவித்தொகை பெரும் திட்டத்திற்கு விண்ணப்பிக்க ஜூன் 30 கடைசி நாள் என அறிவிக்கபட்டது. இந்நிலையில், கல்லூரி பயிலும் மாணவிகளுக்கு மாதம் ரூ.1000 வழங்கும் திட்டத்தில் திருத்தங்களை மேற்கோள்ள 2 நாள் அவகாசம் அளித்து உயர்கல்வித்துறை உத்தரவிட்டுள்ளது. விண்ணப்பங்களில் உரிய திருத்தங்களை மேற்கொள்ள 2 நாட்கள் அவகாசம் விதித்து உயர்கல்வித்துறை உத்தரவு பிறப்பித்துள்ளது. விண்ணப்பங்களுக்கு ஒப்புதல் திருத்தங்களை மேற்கொள்ளவும் கல்லூரி முதல்வர்களுக்கு அவகாசம் அளிக்கப்பட்டுள்ளது.