“படிப்பதற்கு மின்சாரம் தடையில்லை” மாணவர்களுக்காகத்தான் திராவிட மாடல்…. அமைச்சர் பொன்முடி கருத்து….!!!!

கிராமப்புற மாணவர்களின் வளர்ச்சிக்காக அரசு பல்வேறு விதமான நடவடிக்கைகளை எடுத்து வருவதாக அமைச்சர் கூறியுள்ளார்.

விழுப்புரம் மாவட்டத்தில் உள்ள வளவனூர் பகுதியில் அரசு ஆண்கள் மேல்நிலைப்பள்ளி அமைந்துள்ளது. இந்தப் பள்ளியில் வைத்து 18 அரசு பள்ளிகளை சேர்ந்த மாணவ-மாணவிகளுக்கு இலவச சைக்கிள் வழங்கும் நிகழ்ச்சி நடைபெற்றது. அப்போது 3034 மாணவர்களுக்கு 1 கோடியே 49,000 மதிப்பிலான சைக்கிள்கள் வழங்கப்பட்டது. இந்த நிகழ்ச்சியில் உயர் கல்வித்துறை அமைச்சர் பொன்முடி கலந்துகொண்டு மாணவ-மாணவிகளுக்கு சைக்கிள்களை வழங்கினார்.  அதன் பிறகு அமைச்சர் கிராமப்புற மாணவர்கள் பயன்பெற வேண்டும் என்பதால்தான் தமிழக முதல்வர் ஸ்டாலின் திராவிட மாடலை நடத்துகிறார் என்றார்.

இதனையடுத்து மாணவர்கள் புத்தகத்தை மட்டுமே படிக்காமல் பொது அறிவு மற்றும் சமூக அறிவினையும் கொண்டிருக்க வேண்டும் என்றார். பெண்கள் கல்வி பயின்றால் மட்டுமே நாடு முன்னேறும். கிராமப்புறத்தில் படிக்கும் அனைத்து மாணவர்களும் உயர்கல்வியை படிக்க வேண்டும். மேலும் தான் பேராசிரியராக இருந்தபோது கரண்ட் இல்லாத நேரத்தில் மாணவர்களுக்கு பாடம் நடத்தியதாகவும், மாணவர்கள் படிப்பதற்கு மின்சாரம் ஒரு தடை இல்லை எனவும் அமைச்சர் கூறினார்.